16 години заедно за похумано и инклузивно општество

Веќе 16 години, Црвениот крст на Република Северна Македонија, со поддршка од Комерцијална банка АД Скопје, го реализира проектот „Подобрување на социјализацијата на деца и млади со попреченост“.

Во рамки на проектот, во периодот март–јуни 2026 година беа реализирани различни креативни, едукативни, спортски и социјални активности во Скопје, Прилеп, Кавадарци, Велес, Делчево, Кичево, Гостивар и Дебар. Децата и младите, заедно со волонтерите на Црвениот крст, учествуваа во работилници, дружења, екскурзии, спортски и рекреативни активности, како и активности насочени кон развивање на нивните вештини и самостојност.

Преку ова долгогодишно партнерство се создаваат можности за социјализација, дружење, развој на вештини и поголема вклученост во заедницата, придонесувајќи кон градење похумано и инклузивно општество.