22 август 1864 – Првата женевска конвенција и раѓањето на меѓународното хуманитарно право

На денешен ден во 1864 година, на дипломатска конференција во Женева е усвоена Првата женевска конвенција – историски документ кој го означува почетокот на современото меѓународно хуманитарно право. Овој чекор беше директен одговор на иницијативата на Анри Динан и неговите соработници по ужасната битка кај Солферино, поставувајќи ги корените на организираната хуманитарна акција во светот.

Со оваа конвенција, државите за првпат се согласија дека и во време на војна мора да постојат правила кои го штитат човечкото достоинство. Документот обезбеди правна заштита на ранетите и болните припадници на вооружените сили, како и на медицинскиот персонал и здравствените установи кои претходно често биле цели на напади. Како симбол на неутрална и непристрасна помош, беше воведен и официјално заштитен амблемот на Црвениот крст на бела подлога.

Денес, повеќе од 160 години подоцна, принципите низ конвенцијата поставени во 1864 година претставуваат темел на хуманитарното право и продолжуваат да потсетуваат дека постојат граници кои мора да се почитуваат дури и во најтешките конфликти.