Црвен крст на РСМ ги зајакнува капацитетите за дрон-операции

Обуката беше организирана во две нивоа – основно и напредно, овозможувајќи постепено градење на практичните и техничките знаења на учесниците. Во основното ниво беше опфатена безбедна работа со дрон, основни летачки маневри, планирање на летови и процена на ризици. Напредното ниво беше фокусирано на работа во комплексни услови и користење напредни функции, со особено внимание на операции со термален дрон.

Учесниците се обучуваа за прецизно воздушно набљудување, мониторинг на терен и изведување мисии во предизвикувачки средини. Термалната технологија овозможува детекција на топлински сигнатури, што е од клучно значење при ноќни операции за пребарување и детекција, како и при идентификација на лица, процена на оштетени подрачја и работа во непристапни или ризични региони.

Како резултат на успешно завршената обука, претставниците се стекнаа со официјални лиценци за оперирање со дрон од категорија A1 и A3, согласно важечките регулативи за авијациска безбедност.

Со ова, Црвениот крст на РСМ значително ги зајакнува своите капацитети за брза реакција, теренски процени, поддршка при пребарување и спасување, како и поефективно делување во хуманитарни и кризни ситуации.