Доделени признанија на Црвениот крст на РСМ

Денес, на пригоден настан во просториите на Црвениот крст на Република Северна Македонија, беа доделени признанијата во знак на благодарност за значајната поддршка и успешната соработка со партнерите. Во своето обраќање, генералниот секретар на Црвениот крст на РСМ, г-дин Саит Саити, истакна дека токму преку партнерствата со општествено одговорните компании се реализирани бројни хуманитарни активности и општествени иницијативи насочени кон различни целни групи. Тој нагласи дека заедничката посветеност овозможува обезбедување навремена и релевантна хуманитарна поддршка и помош, како и континуитет во грижата за најранливите категории граѓани.

Во знак на благодарност за поддршката која ја обезбедуваат нашите партнери, Црвениот крст додели признанија: „Златен поддржувач“ на Македонски Телеком АД Скопје, „Сребрен поддржувач“ на ОКТА АД Скопје и признание „Бронзен поддржувач“ на компаниите Ragusa Group, Skopje Marriott Hotel, DoubleTree by Hilton Skopje, Diamond Mall и East Gate.

Црвениот крст на РСМ останува посветен на развивање и унапредување на долгорочни соработки и стратешки партнерства со компаниите во земјата, кои придонесуваат кон посолидарна и поинклузивна заедница.