Обука за нови дисеминатори за општа дисеминација

Во периодот 12-14 септември 2025 година, со поддршка на Меѓународниот комитет на Црвен крст во хотелот „Солферино“ во Струга, се реализираше обука за нови дисеминатори за општа дисеминација на Црвен крст на Република Северна Македонија. Обуката ја држеа 2 претставници од централната канцеларија на Црвен крст на Република Северна Македонија. На обуката присуствуваа 13 учесници од 12 општински организации на Црвен крст.

Новите дисеминатори се запознаа со историјата, целите, структурата и работата на Движењето на Црвениот крст. Се разработија и теми за Меѓународното хуманитарно право, заштита и употреба на амблемот, како и безбедност и интегритет. На последната сесија од обуката, учесниците добија насоки за работа на терен и како здобиеното знаење да го дисеминираат на различни целни групи. Сите учесниците се здобија со дипломи за земено учество на обука за дисеминатори.