Одбележување на недела на ХИВ/СИДА

Црвениот крст на Република Северна Македонија, во периодот од 1-7 декември 2025 година согласно календарот на традиционални активности ќе ja одбележи Неделата на борба против ХИВ/СИДА, под мотото ,,Едуцирај се, превенирај ХИВ/СИДА,,.

Според сознанијата на Светската здравствена организација, ХИВ останува главен јавно здравствен проблем кој погодува повеќе од 2 милиони луѓе во Европскиот регион на СЗО, додека во светски рамки повеќе од 40.000.000 возрасни и деца се инфицирани со ХИВ.

Во рамките на Неделата Општинските организации на Црвен крст и Црвен крст на град Скопје ќе превземат активности за подигнување на свеста кај младата популација преку спроведување на едукативни врснички работилници во средните училишта, изработка на кратки едукативни видеа со пораки за превенција од ХИВ инфекција, споделувања на информации и постери на социјалните медиуми и други активности за превенција на ХИВ/СИДА.