Одржани обуки за промоција на хигиена

Црвениот крст на Република Северна Македонија во периодот од 23-24.12.2024 година спроведе две обуки за промоција на хигиена. Со обуките беа опфатени 36 волонтери од 28 ООЦК и ЦКГС.  Обуките имаа за цел да ги унапредат знаењата и вештините на волонтерите на Црвениот крст за една од наједноставните, но истовремено и најмоќните алатки за превенција на заразни заболувања – одржувањето на хигиената.

Хигиената не е само индивидуална одговорност, таа е колективна обврска која директно влијае на здравјето на луѓето околу нас. Непочитувањето на основните хигиенски принципи е една од главните причини за појава на многу заразни заболувања, како што се дијареалните болести, респираторните инфекции и кожните заболувања.

Во ракми на обуките волонтерите се запознаа со релевантни информации и податоци од Светската здравствени организација поврзани со хигиената, сегментална поделба на хигиената, практични совети за нејзина примена и користење на лична заштитна опрема во секојдневни, но и во кризни и итни состојби.