Оглас – Стручен соработник за финансиско работење во Црвен крст на Република Северна Македонија – Сметководител на организацијата

ПРИДРУЖЕТЕ СЕ НА НАШИОТ ТИМ!

Доколку сте професионална, доверлива, добро организирана и мотивирана личност и сакате да работите во динамична атмосфера со можност за напредок во кариерата, Ве поттикнуваме да се приклучите на организацијата која нуди широки можности.

Црвен крст на Република Северна Македонија е хуманитарна организација која работи на спречување и ублажување на човековото страдање, заштита на животот и здравјето, унапредување на социјалната состојба, обезбедувајќи почит и достоинство за човековото битие, а особено во случај на несреќи и катастрофи, го промовира меѓународното хуманитарно право и хуманите вредности, поттикнува доброволно ангажирање и постојана подготвеност за давање помош, како и универзално чувство за солидарност и хуманост.

Централната канцеларија на Црвен крст на Република Северна Македонија објавува оглас за работното место:

Стручен соработник за финансиско работење во Црвен крст на Република Северна Македонија – Сметководител на организацијата

Адреса: Црвен крст на Република Северна Македонија, бул. Кочо Рацин бр.13, Скопје

Потребни квалификации:

• Задолжително: Завршено соодветно образование од областа на економските науки
• Задолжително: Поседување лиценца за овластен сметководител
• Задолжително: Познавање на MS Office пакет (Word, Excel, Powerpoint, Outlook), интернет, комуникациски платформи: Microsoft Teams, Zoom.
• Предност: Минимум 3 години работно искуство на иста или слична позиција; познавање на софтверот Pantheon, познавање на проектно работење и известување, добро познавање на англиски јазик (усно и писмено)

Лични карактеристики:

• Висок личен интегритет и деловна култура
• Доверливост и етички пристап кон работните обврски
• Одлични комуникациски, организациски и аналитички способности
• Одговорност и проактивност
• Способност за работа под притисок и запазување куси временски рокови
• Способност за работа во тим
• Иновативност и креативност
• Мотивираност и лојалност кон организацијата и нејзините цели
• Подготвеност за учење и професионален развој
• Чувство за мултикултурализам, недискриминација и толеранција

Работни должности:

Водење на сметководствени книги:

• Водење на детални сметководствени записи и евиденција за сите финансиски трансакции на ООЦК.
• Прецизно категоризирање на сите финансиски податоци во соодветните сметки и книги согласно сметководствените стандарди.
• Регистрирање на сите влезни и излезни фактури на ООЦК, обезбедување на точност на податоците во сметководствените записи.

Подготовка на месечни и годишни финансиски извештаи:

• Анализа на финансиските резултати.
• Подготовка на извештаи за раководството кои вклучуваат анализи на расходите и приходите, како и препораки за оптимизација на финансиското работење.

Подготовка и обработка на даночни обврски:

• Контрола на тековните и историските даночни записи.

Контрола на тековните плаќања и наплати:

• Следење на сите финансиски трансакции, како што се плаќања за добавувачи, наплата на побарувања и исплата на плати.
• Подготовка на платежни наредби и следење на сметки кои се должни за наплата.
• Периодична проверка на стапката на побарувања и обврски.

Анализа на сметките и откривање на несогласувања:

• Редовно споредување на финансиските податоци од различни извори (банки, добавувачи, клиенти) за да се идентификуваат и корегираат несогласувања во сметководствените записи.
• Извршување на интерни проверки на финансиските податоци и системи.

Комуникација со други оддели и надворешни партнери:

• Пружање консултации на ООЦК за сите сметководствени и финансиски прашања.
• Комуникација со банки, даночни власти, клиенти и добавувачи за да се обезбеди точност на финансиските трансакции.
• Помагање во донесувањето на стратешки одлуки за финансиско управување и оптимизација на трошоците.

Подготовка на буџет:

• Помагање при подготовка на годишен буџет за Националното друштво, ООЦК и ЦКГС, вклучувајќи прогнози за приходи, трошоци и капитални инвестиции.
• Следење на буџетскиот напредок и споредување на планираните и реализираните резултати, со цел да се обезбеди финансиска дисциплина.
• Чување и одржување на инвентарот, опремата и потрошниот материјал;
• Извршување и на други работи што ќе му бидат доверени во согласност со описот на работното место;
• Извршување и на други работи што ќе му бидат доверени и наложени од страна на Генералниот Секретар.
• Вршење на други работни задачи по задолжение на Генералниот секретар.

Дополнителни информации:

• Работно време: 40 часа неделно, од понеделник до петок. Работните активности се извршуваат во просториите на Црвениот крст на РСМ.
• Нето плата: 60.000 денари.
• Е-маил адреса за аплицирање: mrc@redcross.org,mk
• Рок за пријавување е 02.06.2026 година.

Со добиените податоци ќе се постапува согласно Законот за заштита на лични податоци.