ООЦК Битола доби Дневен центар за стари лица со активно стареење

Во присуство на претставници на Црвениот крст, локалната самоуправа, верските заедници и други гости беше пуштен во употреба реконструираниот Дневен центар за стари лица со активно стареење во Битола.

На свеченото отворање присуствуваа Генералниот секретар на Црвениот крст на Македонија, Саит Саити, претседателката на Општинската организација на Црвениот крст Битола, Лилјана Ристевска, секретарот Кристијан Крстевски, градоначалникот на Битола Тони Коњановски.

Новата услуга е наменета за лицата од третата доба и има за цел да го подобри нивниот квалитет на живот преку дневни активности, поддршка и превенција од вонсемејна заштита.