Пехар за Црвен крст Свети Николе, Битола и Неготино

На 23 септември 2025 година, во Домот на културата во Свети Николе, се одржа свечено доделување на ПХВ пехарот за 2025 година.

Првото место и пехарот беа доделени на општинските организации на Црвениот крст од Свети Николе, Битола и Неготино, поради изедначениот број на проекти оценети со „сонце“.

Младите од овие три града изработиле по 4 проекти оценети со сонце, проекти со трајни промени за корисниците. На настанот присуствуваа и претставници од 21 општинска организација на Црвениот крст, кои исто така изработија проекти со „сонце“, што претставува значително подобрување во квалитетот на проектите оваа година.

Свое обраќање на настанот имаа: Претседателот на Црвен крст Свети Николе, Градоначалникот на Свети Николе и Генералниот секретар на Црвениот крст на РСМ, Саит Саити, кој, заедно со Раководниот одбор на ЦКРСМ дава силна поддршка за имплементација на ПХВ програмата.

Оваа година, во рамки на програмата беа вклучени: 1.041 млад човек, 170 изработени проекти, 5.186 лица на кои им е помогнато.

Честитки до сите вклучени во овогодишниот ПХВ циклус за постигнатите резултати – како на локално, така и на национално ниво! И честитки за Црвен крст Свети Николе за одлична организација на настанот!