Пехар за Делчево, Тетово, Свети Николе и Демир Хисар

На 24 јуни, во преполната сала на Домот АСНОМ во Делчево, се одржа свеченото доделување на ПХВ пехарот за 2026 година.

Првото место му беше доделено на Црвен крст Делчево, кој реализираше 6 ПХВ проекти оценети со „сонце“. Второто место му припадна на Црвен крст Тетово, кој реализираше 5 проекти со „сонце“, а третото место го поделија Црвен крст Демир Хисар и Црвен крст Свети Николе, со по 4 реализирани проекти оценети со „сонце“.

На настанот присуствуваа и претставници од 27 општински организации на Црвениот крст, кои исто така реализираа проекти оценети со „сонце“, што укажува на континуирано подобрување на квалитетот на проектите.

Свое обраќање на настанот имаа:
• Претседателот на Црвен крст Свети Николе,
• Градоначалниците на Делчево г. Иван Гоцевски и Македонска Каменица г-ѓа Соња Стаменкова,

• Национален ПХВ координатор на Црвен крст на РСМ г-ѓа Александра Ристовски,
• Генералниот секретар на Црвениот крст на РСМ, г. Саит Саити.

Оваа година, преку ПХВ програмата беа обучени:
• 1.223 млади,
• Реализирани се 195 проекти,
• Опфатени и поддржани се 4.888 лица.

Честитки до сите вклучени во овогодишниот ПХВ циклус за постигнатите резултати – како на локално, така и на национално ниво!

Посебни честитки до Црвен крст Делчево за одличната организација на настанот!

#PHV2026 #ЦКМлади