Поддршка и соработка со Шпаркасе банка

Во рамки на долгогодишната и успешна соработка, заснована на посветеност кон хуманите вредности и континуирана поддршка на заедницата, Шпаркасе Банка и Црвениот крст продолжуваат со активности за јакнење на капацитетите за одговор при катастрофи.

Со финансиска поддршка на Шпаркасе Банка, Црвениот крст обезбеди дел од униформите и потребните материјали за прва помош наменети за Интервентната единица за одговор при катастрофи. Оваа поддршка претставува значаен придонес кон унапредување на оперативноста и подготвеноста на единицата.

Црвениот крст изразува голема благодарност до Шпаркасе Банка за укажаната доверба, општествената одговорност и континуираната поддршка во развојот на ресурсите на организацијата за помош и поддршка на заедницата.