Подобрување на социјализација на деца и млади со попреченост

Црвениот крст на Република Северна Македонија со поддршка на Комерцијална банка АД Скопје започнувајќи од 2011 година во континуитет го имплементира проектот  „Подобрување на социјализација на деца и млади со попреченост“.

Активностите се насочени за поддршка на децата и младите со попреченост опфатени во дневните центри, како и деца сместени во згрижувачки семејства, и истите се  реализираат преку Црвениот крст на град Скопје и општинските организации на Црвениот крст Прилеп, Кавадарци, Велес, Делчево, Кичево, Гостивар и Дебар.

И во 2026 година, продолжува соработката на Црвениот крст и Комерцијална банка, во насока на унапредување и проширување на активностите за социјализација и инклузија на децата и младите со попреченост.

Во рамки на проектот, се реализираат креативни, едукативни и рекреативни работилници, психосоцијална поддршка, како и активности кои поттикнуваат развој на социјални вештини, самодоверба и активно учество во заедницата.