Потпишан договор за донација помеѓу Црвениот крст на РСМ и Шпаркасе Банка АД Скопје

На 15.08.2025 во просториите на Црвениот крст на РСМ беше потпишан Договор за донација помеѓу генералниот секретар на Црвениот крст на Република Северна Македонија, Саит Саити, и Ивана Петревска, Директор на Дирекцијата за маркетинг и комуникации на Шпаркасе Банка АД Скопје.

Целта на донацијата е поддршка на активности од јавен интерес, со акцент на социо-хуманитарни дејности, преку финансиска помош која ќе овозможи:

• Аквизација на нови волонтери на Црвениот крст на РСМ, со цел обезбедување брз и ефикасен одговор при новонастанати состојби и итни потреби на територијата на државата;
• Организирање и спроведување на обука за волонтери – медицински лица, социјални работници и психолози – за обезбедување медицинска, социо-психолошка, логистичка и прва помош;
• Опремување на волонтерите со летна и зимска опрема, прилагодена на условите за теренска работа;
• Обезбедување комплетна работна опрема и комплети за прва помош за сите вклучени волонтери.

Оваа донација е пример за успешна соработка меѓу двете институции во насока на јакнење на капацитетите за одговор во кризни ситуации и поддршка на ранливите групи. Таа претставува позитивен модел кој треба да го следат и другите компании и општествено одговорни субјекти, со цел заеднички да придонесуваме кон поотпорно и солидарно општество.“