Прием за волонтери

Денеска, во просториите на ЦКРСМ, се реализираше прием за волонтери ангажирани во подготовката и сценска изведба на театарскиот перформанс во рамки на Свечената академија одржана по повод 80 години од формирањето на Црвен крст на РСМ. Младите волонтери доаѓаат од скопските Општински организации на Црвен крст и се активно вклучени во организацијата преку клубовите на млади.

На средбата со Генералниот секретар на Црвен крст на РСМ, волонтерите ги споделија своите впечатоци и импресии од учеството во оваа активност, стекнатите искуства како и научените нешта. Отворено беа продискутирании младинските иницијативи на Црвен крст во кои се вклучени, работењето на клубовите на млади, можностите за волонтирање како и идните перспективи на младинската работа. Како заокружување на средбата, доделени беа Благодарници за сите нив, во знак на благодарност за поддршката која младите ја дадоа за овој значаен јубилеј за Националното друштво како и уважување на нивната волонтерска ангажираност и придонесот кој го даваат.