Работилница за врснички мотиватори за крводарителство на албански јазик

Црвен крст на Република Северна Македонија, од 28 до 30 ноември, во Тренинг центарот Солферино во Струга, организираше работилница за врснички мотиватори на албански јазик, на која учество земаа 18 преставници, од 8 Општински организации на Црвениот крст.

На работилницата учесниците имаа можност да се запознаат со крводарителството како дејност, но и да се стекнат со знаења и вештини за ширење на знаењата за дарување на крв, со цел мотивирање на идни млади дарители на крв од нивните средини.

Институтот за трансфузиона медицина зема активно учество во работилницата. Во рамките на работилницата, со цел практично совладување на стекнатите знаења, беше симулирана крводарителска акција, која беше посетена од 22 дарители, од кои 9 успешно даруваа крв.