Регионален состанок на координаторите за менаџмент со катастрофи

Во Сараево, Босна и Херцеговина, се одржа регионален состанок на координаторите за менаџмент со катастрофи Состанокот беше организиран од регионалната канцеларија  на  Меѓународната федерација на Црвен крст и Црвена полумесечина, со учество на Црвен крст на Албанија, Србија, Црна Гора, Република Северна Македонија, Бугарија,   Словенија, и БиХ, додека Австриски Црвен крст претставници на МФЦКЦП(онлајн), 

Целта на состанокот беше да се презентират реализираните активности за со осврт на постигнатите резултати и предизвици. Претставникот на Црвен крст на Република Северна Македонија го сподели искуството од справувањето со пожарите и значењето на соработката со владините институции и МФЦКЦП.

Дискусии се водеа и за имплементацијата на веб апликацијата Х-сток, можностите за соседска помош, размена на проекти и користење на иновации како вештачка интелигенција во менаџментот со катастрофи. Особено внимание беше посветено на адаптацијата на климатските промени, со презентација на проектот на Црвен крст на Албанија за справување со топлотни бранови.

Координаторот за менаџмент со катастрофи од МФЦКЦП ги презентира приоритетите за 2026 година, вклучувајќи можности за заеднички регионални проекти.