Регионална обука за управување со ризици

Од 25 до 26 јуни 2025 година, во Тирана, Албанија, се одржа регионална обука и работилница за управување со ризици. Настанот беше организиран од страна на Меѓународната федерација на друштвата на Црвен крст и Црвена полумесечина, со поддршка и фасилитација од Турската Црвена полумесечина.На истата учество зема претставници од Црвен крст на Република Северна Македонија

Целта на обуката беше зајакнување на капацитетите на вработените и активистите од седум национални друштва на Црвениот крст од регионот, меѓу кои и Црвениот крст на Република Северна Македонија, кој беше претставен од двајца свои претставници.

Во текот на обуката, учесниците работеа на различни аспекти поврзани со управување со ризици, вклучувајќи: развој на стратегии, циклус на управување со ризици, идентификација и одговор на ризици, изработка на планови за дејствување, како и активности за застапување во рамките на националните друштва.