Специјализирана обука за ментално здравје и психо-социјална поддршка во итни состојби

Во периодот од 9 до 11 јуни 2025 година, во тренинг центарот „Солферино“ во Струга, Црвениот крст на РСМ одржа специјализирана обука за ментално здравје и психо-социјална поддршка во итни состојби, со посебен фокус на кризна интервенција и сложени итни случаи.

Обуката беше дел од тековната Disaster Relief Emergency Fund операција, поддржана од Меѓународната Федерација на друштвата на Црвен крст и Црвена полумесечина, насочена кон зајакнување на капацитетите на психолозите кои активно работат на терен – особено во подрачјата погодени од неодамнешни итни состојби, како што е регионот на Кочани. Програмата беше адаптирана да одговори на специфичните предизвици што произлегуваат од сложените кризни ситуации и да поттикне подобро планирање и интервенции во иднина.

Фасилитатори на обуката беа психолози од Центарот за ментално здравје, експерти од Комората на психолози на Република Северна Македонија, како и меѓународен експерт од Хрватскиот Црвен крст, чие искуство и знаење значајно придонесоа за квалитетот на обуката.

Искуството и стручноста на вклучените психолози во областа на менталното здравје, како и нивното активно учество, значително придонесоа за ефективноста на обуката и дополнително ги зајакнаа заедничките напори за обезбедување координирана и навремена психосоцијална поддршка.

Остануваме посветени на унапредување на пристапот до менталното здравје во кризни ситуации и на градење отпорни заедници.