Свечено отоворање на нови простории во Струга

Денес во Црвен крст на РСМ – Општинска организација Струга свечено беа отворени новите простории, со што организацијата доби современ и функционален простор за своите активности и проекти насочени кон младите.

На настанот присуствуваа бројни гости и соработници, меѓу кои и генералниот секретар на ЦКРСМ, д-р Саит Саити, како и градоначалникот на Струга Менди Чира. Во своите обраќања тие ја истакнаа важноста на вложувањето во младинскиот сектор и поддршката на иницијативи кои придонесуваат за развој на заедницата.

Генералниот секретар Саити имаше свое обраќање пред присутните, при што ја потенцираше улогата на младите како двигатели на позитивни промени и ја поздрави посветеноста на локалната организација.

Од страна на ООЦК Струга, на Саити му беше врачена благодарница за неговиот несебичен придонес и континуираната поддршка во унапредувањето на хуманитарните активности и развојот на организацијата.

Отворањето на новите простории претставува значаен чекор напред за ООЦК Струга, овозможувајќи подобри услови за работа, едукација и реализација на идни проекти во корист на граѓаните.