Тренинг сесии во Љубљана: Јакнење на капацитетите за е-здравство и EU4Health

Во периодот од 16 до 17 април 2026 година, на Институтот Јожеф Стефан во Љубљана, Република Словенија, се одржаа тренинг сесии за јакнење на капацитетите за е-здравство и EU4Health. На тренингот присуствуваа претставници од Министерството за здравство на РСМ, Црвениот крст на  РСМ и Сорсикс, заедно со клучни академски и истражувачки партнери, вклучувајќи го Факултетот за компјутерски науки и инженерство (ФИНКИ), Медицинскиот факултет Скопје, Институтот „Јожеф Стефан“ и Техничкиот универзитет Грац.

Тренингот беше организиран во соработка со Националниот институт за јавно здравје на Словенија, со значаен придонес од Хајди Коседнар, која обезбеди детални увиди во имплементацијата на системите за е- здравство во Словенија и нејзиното успешно учество во Програмата EU4Health. Дополнителни сесии беа одржани од Тадеј Хорват, фокусирани на рамките за управување со податоци, регулаторната усогласеност и операционализацијата на EU AI Act, поткрепени со практични примери од проектот ChatMED и иницијативата Slovenian HomeDoctor. Понатаму, Примож Коцуван даде насоки за подобрување на конкурентноста на проектните апликации, додека Матјаж Гамс ја истакна стратешката важност на видливоста на истражувањата и нивната дисеминација.

Тренинг сесиите има за цел јакнење на капацитетите и обезбедување на платформа за вмрежување, трансфер на знаење и зајакнување на соработката помеѓу институционалните, академските и политичките чинители. Стекнатото знаење и воспоставените контакти од тренингот во Љубљана во иднина ќе придонесат за зајакнување на учеството на Република Северна Македонија во ЕУ програмите и унапредување на националните стратегии за е-здравство.