Учество на младинско Собрание на мрежа на млади на Црвен крст и Црвена полумесечина на Европа и Централна Азија

Двајца претставници на младите од Црвен крст на Република Северна Македонија во периодот од 25 до 28 септември 2025 година учествуваа на младинско Собрание на мрежа на млади на Црвен крст и Црвена полумесечина на Европа и Централна Азија, кое се одржа во Софија, Република Бугарија.

Собранието овозможи размена на искуства, разгледување и усвојување на важни документи за работа на координативниот комитет на мрежата на млади на Црвен крст и Црвена полумесечина на Европа и Централна Азија, избор на нов претседател и членови на координативниот комитетот, како и дискусија за идните приоритети и зајакнување на регионалната соработка. Учесниците имаа можност и за вмрежување преку интеркултурни активности и работилници посветени на улогата и визијата на младите во Движењето на Црвениот крст и Црвената полумесечина.

Со ова учество, младите од Црвен крст на РСМ дадоа свој придонес во градењето на идната визија на младите на Движењето и во унапредувањето на меѓународната соработка.