Зголемување на ефикасноста и квалитетот на одговорот при катастрофи

Во рамките на конференцијата за мрежата „Соседите помагаат први“, организирана од Црвениот крст на Република Северна Македонија, беше презентирана Интервентната национална единица за одговор при катастрофи чија цел е значително зголемување на ефикасноста и квалитетот на одговорот во првите моменти по катастрофа.

Единицата брои 40 членови – вработени во ЦКРСМ и активни волонтери од различни професионални профили – кои веќе поседуваат експертиза и практично искуство во подготовка и одговор при катастрофи. Таа е организирана во неколку функционални тимови:

• тим за логистика и брза проценка,
• тим за прва помош,
• тим за психосоцијална поддршка,
• тим за информирање во кризни ситуации.

Располага со 3 теренски возила, 3 амбулантни возила, АТВ возило, спасителен чамец, планинарска и спасителна опрема, мобилна кујна и геренатор, камион, WAT-SAN станица, командно возило и логистичко оперативно возило.

Единицата е дизајнирана да реагира во првите 72 часа по настанувањето на катастрофата – период до воспостававување на целосен систем за одговор и активирање на локалните тимови што функционираат во рамките на Општинските организации на Црвениот крст и ЦК на град Скопје.

Голема благодарност до сите членови на единицата, волонтери и професионалци, за нивното време, заложби и посветеност во служба на нашата заедница.