Гостување на свечено одбележување на Јубилеј – 150 години од основањето на Црвен крст на Србија

На 06.02.2026 година делегација од Црвениот крст на РСМ предводена од Генералниот секретар д-р Саит Саити оствари официјална посета и учествуваше на свеченото одбележување на јубилејот – 150 години од основањето на Црвениот крст на Србија. По повод јубилејот беше организирана Свечена академија која собра високи претставници на националните друштва на Црвениот крст и Црвената полумесечина, државни институции, меѓународни партнери и други гости, кои заеднички оддадоа признание на век и пол посветена хуманитарна работа.

Учеството на овој значаен јубилеен настан претставуваше можност за потврдување на традиционално добрата соработка помеѓу Црвениот крст на Република Северна Македонија и Црвениот крст на Србија. Во рамки на посетата беа остварени и средби со раководството на Црвениот крст на Србија, како и други присутни делегации од други национални друштва и Меѓународниот комитет на Црвен крст при што беше истакната подготвеноста за натамошно продлабочување на соработката во интерес на заштита и унапредување на хуманите вредности.