Хуманитарна помош за Блага Милошевиќ

Црвен крст на Република Северна Македонија континуирано овозможува социјално-хуманитарна помош за лица во социјален ризик, преку редовна, навремена и системска поддршка во текот на целата година. Црвен крст на РСМ – Општинска организација Штип континуирано во текот на годината обезбедуваше прехранбени пакети, топли оброци, празнични и бадникарски пакети, облека и постелнини, со цел ублажување на страдањето и обезбедување минимум социјална сигурност на г-ѓа Блага од с. Лакавица.

Денес, Црвен крст на Република Северна Македонија – Општинска организација Штип донираше нови ќебиња, постелнина и пакет со храна како дел од континуираната поддршка за Блага, која деновиве беше пренесена во Клиничка болница Штип. Оваа поддршка претставува повеќе од материјална помош – таа е израз на солидарност, човечност и трајна грижа. Остануваме доследни на нашата мисија да бидеме поддршка таму каде што е најпотребно и да придонесуваме кон подостоинствен и посигурен живот за најранливите категории граѓани.