Националниот младински камп „100% Црвен крст“

Во периодот од 17 до 23 јули 2026 година, во Камп „Скаут“ – Струга, Црвениот крст на Република Северна Македонија го реализираше Националниот младински камп „100% Црвен крст“, наменет за зајакнување на капацитетите на раководните структури на Клубовите на млади. 

На кампот учествуваа 54 млади од 28 Општински организации на Црвениот крст и Црвениот крст на град Скопје, кои преку интерактивни работилници, практични вежби и тимски активности ги унапредија своите лидерски, организациски и комуникациски вештини, како и знаењата за функционирањето на организацијата. 

Кампот свечено го отвори претседателот на Црвениот крст на Република Северна Македонија, Др. Лилјана Ристевска, која ја истакна важноста од вложувањето во младите лидери. На затворањето присуствуваше генералниот секретар д-р Саит Саити, кој им се обрати на учесниците и ги проследи презентациите на акциските планови изработени во рамките на кампот. 

Програмата опфати теми од областа на лидерството, волонтерството, крводарителството, менталното здравје, регрутацијата и мотивацијата на волонтери, промоцијата на младинските активности и локалното младинско работење. Посебен акцент беше ставен на тимската работа, вмрежувањето и размената на искуства меѓу младите лидери. 

Националниот младински камп „100% Црвен крст“ претставува значајна инвестиција во развојот на младинското лидерство и волонтерството, придонесувајќи за создавање мотивирана и компетентна младинска мрежа во рамките на Црвениот крст на Република Северна Македонија.