Обука на психолози за ПТСР: Процена, стабилизација и упатување во институционален контекст

Во Регионалниот центар за ментално здравје и психо-социјална поддршка при Црвениот крст на Република Северна Македонија, на 06.03.2026 се одржа еднодневна обука на тема „ПТСР: Процена, стабилизација и упатување во институционален контекст“. Обуката беше наменета за психолози со цел унапредување на нивните знаења и вештини за препознавање и работа со посттрауматски реакции и посттрауматски стресни пореметувања (ПТСР).

За време на обуката, учесниците имаа можност да се запознаат со неуробиолошките основи на траумата и стекнаа практично искуство во структурата на иницијален траума-информиран разговор, скрининг, процена на ризик и функционалност, како и интеграција на собраните податоци во клиничка формулација. Преку практични демонстрации и работа во парови, учесниците стекнаа конкретни вештини кои можат веднаш да ги применат во својата професионална практика.

По успешно завршување на обуката, 9 учесници се стекнаа со сертификат и излегоа со јасна рамка за процена, стабилизација и упатување, заедно со практични алатки за професионална употреба во институционален контекст. Оваа обука ја зајакна нивната професионална подготвеност и овозможи компетентна и сигурна поддршка за лица кои се соочуваат со последици од трауматски искуства.