Одржан регионален натпревар по прва помош за Регион 1 за 2026 година

На 09 мај 2026 година во центарот на Прилеп, се одржа регионалниот натпревар по прва помош на Црвен крст на РСМ за Регион 1, каде домаќин беше Општинска организација на Црвен крст Прилеп. На натпреварот учествуваа 14 екипи од 14 ООЦК (ООЦК Куманово, ООЦК Неготино, ООЦК Гази Баба, ООЦК Прилеп, ООЦК Пробиштип, ООЦК Центар, ООЦК Кичево, ООЦК Кавадарци, ООЦК Гостивар, ООЦК Виница, ООЦК К.Паланка, ООЦК Ресен, ООЦК Берово и ООЦК Чаир).

За време на свечениот дел на отворањето и затворањето на натпреварот волонтерите и гостите беа поздравени од страна на Генералниот секретар на ЦКРСМ д-р Саит Саити, Градоначалникот на Општина Прилеп г-дин Дејан Проданоски и потпретседателот на ООЦК Прилеп г-ѓа Гордана Тошеска.

Регионалниот натпревар се спроведе во 2 траектории, на секоја траекторија  имаше по 8 работни места од кои 5 беа работни места за прва помош и 3 од забавен карактер.

Најдобрите 5 екипи од овој регион кои покажаа најдобар резултат и ќе учествуваат на државен натпревар по прва помош за 2026 година се екипите од:

1) ООЦК Центар- прво место

2) ООЦК Кичево – второ место

3) ООЦК Виница – трето место

4) ООЦК Прилеп – четврто место

5) ООЦК Гази Баба – петто место

Во категоријата на забавни игри  и дисеминација, на првите три најдобри екипи им беа доделени и награди како мотивација за продолжување на нивниот ентузијазам и придонес во областа на првата помош.

Црвениот крст ќе продолжи и понатаму да ја унапредува културата на прва помош и да создава можности младите активно да се вклучуваат во хуманитарни и едукативни активности. Натпреварите по прва помош претставуваат значајна поддршка за младите во стекнување и унапредување на нивните знаења и способности, поттикнувајќи чувство на одговорност, хуманост и подготвеност за помош во заедницата.