Оглас – Самостоен стручен соработник за финансиско работење во Црвен крст на Република Северна Македонија

ПРИДРУЖЕТЕ СЕ НА НАШИОТ ТИМ!

Доколку сте професионална, доверлива, добро организирана и мотивирана личност и сакате да работите во динамична атмосфера со можност за напредок во кариерата, Ве поттикнуваме да се приклучите на организацијата која нуди широки можности.

Црвен крст на Република Северна Македонија е хуманитарна организација која работи на спречување и ублажување на човековото страдање, заштита на животот и здравјето, унапредување на социјалната состојба, обезбедувајќи почит и достоинство за човековото битие, а особено во случај на несреќи и катастрофи, го промовира меѓународното хуманитарно право и хуманите вредности, поттикнува доброволно ангажирање и постојана подготвеност за давање помош, како и универзално чувство за солидарност и хуманост.

Централната канцеларија на Црвен крст на Република Северна Македонија објавува оглас за работното место:

Самостоен стручен соработник за финансиско работење во Црвен крст на Република Северна Македонија

Адреса: Црвен крст на Република Северна Македонија

бул. Кочо Рацин бр.13, Скопје

Потребни квалификации:

• Задолжително: Завршено високо образование од областа на економските науки
• Задолжително: Минимум 3 години работно искуство на иста или слична позиција
• Задолжително: Познавање на софтверот Pantheon, MS Office пакет (Word, Excel, Powerpoint, Outlook), интернет, комуникациски платформи: Microsoft Teams, Zoom.
• Задолжително: Познавање на англиски јазик (усно и писмено)
• Предност: Лиценца за овластен сметководител
• Предност: Познавање на проектно работење и известување

Лични карактеристики:

• Висок личен интегритет и деловна култура
• Доверливост и етички пристап кон работните обврски
• Одлични комуникациски, организациски и аналитички способности
• Одговорност и проактивност
• Способност за работа под притисок и запазување куси временски рокови
• Способност за работа во тим
• Иновативност и креативност
• Мотивираност и лојалност кон организацијата и нејзините цели
• Подготвеност за учење и професионален развој
• Чувство за мултикултурализам, недискриминација и толеранција

Работни должности:

• Подготвува буџет на организацијата;
• Изготвува предлог-програма за одобрување на средства од буџетот на организацијата;
• Подготвува годишен финансиски извештај, периодични планови и извештаи;
• Подготвува завршна сметка согласно законската регулатива;
• Дава предлози и подготвува стручни анализи за прашања кои се од значење за финансиското работење;
• Врши контрола на целокупната документација за материјално и финансиско работење;
• Врши контрола на пресметување на плати, боледувања и други отсуства на вработените;
• Ги следи приливите на приходи и врши нивна внатрешна распределба;
• Подготвува извештаи за движење на средствата од буџетот и од проекти;
• Води финансиско книговодство и сите работи од областа на материјално и финансиско работење;
• Дава стручна помош на ООЦК и ЦКГС од својот делокруг на работа;
• Врши следење и примена на одделни прописи од областа на материјално и финансиско работење;
• Ги подготвува сите потребни податоци за надворешни ревизии, како што се транскрипти на сметки, изводи од сметките, финансиски извештаи и други релевантни документи.
• Соработува со надворешни ревизори и обезбедува информации за поддршка на нивната работа.
• Учествува во изготвување на ревизорските извештаи и примена на препораките за подобрување на финансиското работење.
• Изготвува извештаи за Раководството и врши презентација на резултатите и анализите со цел да се донесат информирани одлуки за финансиското управување на ООЦК.
• Соработува со други организации (локални и меѓународни) во делот на финансиското работење;
• Подготвува финансиски извештаи за реализирани редовни активности и проекти;
• Учествува во подготовка на буџетска рамка за планирани и аплицирани проекти;
• Подготвува работни материјали за состаноци на комисии;
• Редовно ги следи промените во законската регулатива, стратегиите и политиките на надлежните Министерства и Владата;
• Врши други работни задачи по задолжение на Генералниот секретар.

Дополнителни информации:

Ø Работно време: 40 часа неделно, од понеделник до петок. Работните активности се извршуваат во просториите на Црвениот крст на РСМ.

Ø Нето плата: 60.000 – 65.000 денари (по договор). Ø Е-маил адреса за аплицирање: mrc@redcross.org,mk

Ве очекуваме.

Со добиените податоци ќе се постапува согласно Законот за заштита на лични податоци.