Работна посета на претставник од Австрискиот Црвен крст

Во периодот од 11 до 13 февруари 2026 година, претставникот на Австрискиот Црвен крст, г-дин Christian Diemt, е во работна посета на Црвениот крст на Република Северна Македонија. Посетата е насочена кон унапредување на соработката меѓу двете организации преку размена на искуства, следење на реализираните активности и планирање на идни заеднички чекори.

Денес беше остварена средба со генералниот секретар на Црвениот крст на Република Северна Македонија, д-р Саит Саити. На средбата се разговараше за актуелните состојби и приоритетите во работењето на организацијата, како и за можностите за понатамошна соработка и развој на заеднички иницијативи.

Во рамки на посетата, предвидени се средби со стручната служба и волонтерите на Црвениот крст, со цел да се идентификуваат области за заеднички активности и да се унапредат капацитетите и услугите кои се обезбедуваат за граѓаните.