Presidenti Pendarovski në Akademinë e parë të deseminatorëve për të drejtën ndërkombëtare humanitare

Kryqi i Kuq i Republikës së Maqedonisë së Veriut, në kuadër të programit për promovimin e të drejtës ndërkombëtare humanitare, në periudhën nga data 19 deri më 21 dhjetor të vitit 2022, me mbështetjen e Komiteti Ndërkombëtar të Kryqit të Kuq, organizon Akademinë e parë të desiminatorëve për të drejtën ndërkombëtare humanitare. Kjo Akademi paraqet një trajnim bazë për DNH dhe u dedikohet studentëve të fushës juridike, të sigurisë dhe shkencave ushtarake. Në hapje të Akademisë fjalim përshëndetës mbajtën Sait Saiti – Sekretar i Përgjithshëm i Kryqit të Kuq të RMV dhe Stevo Pendarovski – Presidenti i Republikës së Maqedonisë së Veriut.

Saiti theksoi, se Kryqi i Kuq i RMV do të bëjë përpjekje për të forcuar mekanizmat institucional në vendin tonë, për të njohur rolit tonë të mëtejshëm dhe ndërtimin e partneriteteve të forta me organizatat qeveritare dhe ndërkombëtare dhe faktorët e interesuara në synimet e Republikës së Maqedonisë së Veriut, me qëllim që të dëshmojnë gatishmëri e saj në fushën e të drejtës ndërkombëtare humanitare, sidomos në proceset e integrimit euroatlantik. Puna dhe misioni ynë besojmë, se në periudhën e ardhshme do të gjejë mbështetje dhe do të njihet nga institucionet e departamenteve të fushës së mbrojtjes, punëve të brendshme, të jashtme dhe diplomacisë dhe në këtë mënyrë, Kryqi i Kuq i RMV do të shndërrohet në një platformë referimi që do të bashkojë publiku shkencor dhe ekspert në shtet në drejtim të ndërtimit të një sistemi institucional për promovimin e të drejtës ndërkombëtare humanitare.

Në fjalën e tij përshëndetëse, presidenti Pendarovski theksoi rëndësinë e kësaj Akademi për krijimin e kuadrove nga komuniteti akademik që do të promovojnë dhe afirmojnë të drejtën ndërkombëtare humanitare para grupeve të ndryshme të synuara. Duke ju uruar trajnim të suksesshëm pjesëmarrësve të parë të Akademisë të deseminatorëve për të drejtën ndërkombëtare humanitare, presidenti Pendarovski shpresoi se akademia do të bëhet tradicionale. Presidenti Pendarovski theksoi gjithashtu rëndësinë e ndërtimit të kulturës së respektimit dhe zbatimit të parimeve njerëzore, sidomos në këtë periudhë të krizës së madhe humanitare.