Обезбедување на традиционалниот празник Богојавление Водици 2018

Традиционално Црвениот крст и ова година се вклучи давање поддршка во организација на верскиот настан Богојавление Водици.

Главната церемонија ова година  се оддржа на мостот Слобода  на која  учество зедоа околу 160 верници. Имајќи предвид ниските температури  и непредвидливото  ниво на вода на реката Вардар ова година беше предизвик  за успешно и безбедно одвивање на настанот како за екипите на Црвениот крст така и за другите чинители.

Црвениот крст ова година учествуваше со 55 волонтери и вработени на Црвен крст на град Скопје. Од страна на нашите екипи беа покриени сите критични точки кои претходните години беа евидентирани. За безбедноста на учесниците во вода беа задолжени екипи на Центарот за безбедност на вода  кои заедно со Тимот за спасување на планина  поставија систем јажиња и спасителен чамец со спасители во неопрени кои беа подготвени да вадат потенцијални давеници од ладните води на  Вардар.

Екипите на Тимот за одговор при катастрофи  дадоа логистичка и медицинска поддршка на настанот преку поставување на тријажи центри  и поддршка на спасителите од брег. Земајќи  ги во предвид сите чинители  настанот помина во најдобар ред. Медицинските екипи имаат интервенирано кај 7 учесници.