![](https://ckrm.org.mk/wp-content/uploads/2015/11/116-1-1000x560.jpg)
Kryqi i kuq i RM-së siguron përkrahje për emigrantët dhe për të ikurit
Kryqi i kuq i Republikës së Maqedonisë në partneritet me Komesariatin e lartë për të ikurit (UNHCR) dhe Federatën ndërkombëtare të Kryqit të kuq dhe Gjysmëhënës së kuqe në mënyrë aktive është i kyçur në përkrahjen e emigrantëve të cilët kalojnë nëpër vendin tonë.
Kryqi i kuq i Republikës së Maqedonisë në dy kalimet kufitare në Gjevgjeli dhe në Tsbanoc në teren është 24 orë me 9 ekipe mobile në përkrahjen e emigrantëve të cilët kalojnë nëpër vendin tonë.
Numri i përgjithshëm i personave në ekipe është 135, të cilët janë të përbërë nga të punësuarit, mjekë dhe anëtarë paramedikal, vullnetarë të Kryqit të kuq, të cilët janë të trajnuar për punë në Shërbimin për kërkimin e personave të zhdukur pranë Kryqit të kuq.
Kryqi i kuq i Republikës së Maqedonisë në periudhën prej 09 deri më 15 nëntor shpërndau: 13 170 shishe me ujë për pije, 1 571 pako me prodhime ushqimore, 108 pako me mjete higjienike, 10 600 pako piskota, 326 palë pelena për foshnje, 1 207 copë qumësht çokollate, 112 pako qumësht për foshnje, 123 pako për foshnje, 2 051 batanie, 150 palë çorape, 7 730 personave iu është dhënë ndihma e parë, dhe 67 persona janë transferuar në spital.