Kryqi i Kuq përfundoi fushatën me 1 milion euro për zonat e goditura në Turqi dhe Siri
Kryqi i Kuq i RMV-së përmbylli me një akt solemn fushatën e ndihmës dhe mbështetjes për popullatën e goditur në Turqi dhe Siri. Më datë 20.03.2023 në hotelin Holiday Inn mbajti një ngjarje formale ku morën pjesë kryeministri i Qeverisë së RMV-së, z. Dimitar Kovaçevski, ministra, ambasadorë, sektori i biznesit, kryetarë komunash, donatorë dhe mysafirë të tjerë të ftuar.
Në vetë ngjarjen foli Sekretari i Përgjithshëm i Kryqit të Kuq, d-r Sait Saiti, i cili theksoi se humanizmi nuk thuhet, por tregohet dhe dëshmohet, nuk improvizohet por praktikohet deri në zemër. Qytetarët tanë, siç thekson ai, kanë dëshmuar humanizëm në veprimet e tyre në periudhën e kaluar dhe dhembshuri me popullsinë në Turqi dhe Siri. Jeta shpesh është e mbushur me dhimbje, trishtim, pakënaqësi, vështirësi dhe na bën të mendojmë nëse ka arsye dhe sa human dhe njerëzorë mund të jemi, por mbetet për një moment të harrojmë veten dhe të mendojmë për të tjerët, vetëm atëherë do të mësojmë domosdoshmërinë e të qenit të mirë. Shumë më afër natyrës njerëzore janë veprat e mira, jo të këqijat, prandaj nuk duhet të besojmë se jetojmë në një shoqëri çnjerëzore. Në periudhën në vijim, ne vazhdojmë të punojmë për të siguruar një jetë më dinjitoze për ata që kanë nevojë për mbështetje.
Si mbulues i manifestimit ishte Kryeministri i Qeverisë së RMV-së, z. Dimitar Kovaçevski, i cili theksoi se ne vazhdojmë të tregojmë solidaritetin tonë në veprim përmes ndihmave që u ofrojmë zonave të goditura në Turqi dhe Siri. Lajmi i mirë është se deri më tani janë mbledhur mbi 960 mijë euro për ndihmat për zonat e goditura dhe synimi është të arrijë një milion euro, theksoi kryeministri Dimtiar Kovaçevski në manifestimin e sotëm për përkujtimin e 78 viteve të ekzistencës së Kryqit të Kuq të Republikës së Maqedonisë së Veriut, e cila këtë vit i kushtohet humanizmit dhe solidaritetit me popullatën e goditur në Turqi dhe Siri.
Ambasadori turk në vend, z. Hasan Mehmet Sekizçok, në prezantimin e tij shprehi mirënjohjen e tij për popullin e Maqedonisë, duke theksuar se u mobilizuam menjëherë në këto ditë të vështira dhe të trishta të Turqisë. Të bashkuar në një zemër, institucionet publike, sektori joqeveritar, komuniteti i biznesit, institucionet arsimore, të rinjtë dhe të rriturit, të gjithë ndihmuan viktimat e rajoneve të prekura. Ne nuk mund t’i kthejmë jetët e humbura, por do të punojmë me të gjitha forcat për të shëruar plagët e kësaj fatkeqësie natyrore. Ne do të rindërtojmë qytetet dhe shkollat e shkatërruara.
Në këtë manifestim u dhuruan mjete finansiare nga kompania Alma M, me çka u plotësua qëllimi i manifestimit me gjithsej 61.000.000 denarë.
