Takim rajonal i koordinatorëve të menaxhimit të fatkeqësive dhe personave përgjegjës për logjistikën e shoqatave kombëtareve të Kryqit të Kuq

Në periudhën 10-13 dhjetor 2024, në Zagreb, Kroaci, u mbajt takim rajonal i koordinatorëve të menaxhimit të fatkeqësive dhe oficerëve logjistik të shoqatave kombëtare të Kryqit të Kuq. Takimi u organizua nga Kryqi i Kuq Kroat dhe Federata Ndërkombëtare e Kryqit të Kuq dhe Gjysmëhënës së Kuqe, me pjesëmarrjen e Kryqit të Kuq të Shqipërisë, Serbisë, Malit të Zi, Republikës së Maqedonisë së Veriut, Bullgarisë, Rumanisë, Hungarisë, BeH dhe Sllovenisë.

Pjesëmarrësit patën mundësinë të vizitojnë Qendrën operative për përgatitjen dhe reagimin ndaj fatkeqësive të Kryqit të Kuq Kroat dhe të njihen me kapacitetet dhe organizimin strukturor të shoqatës kombëtare për përgatitjen dhe reagimin ndaj fatkeqësive.

Në takim u bënë sugjerime shtesë dhe ndryshime në softuerin rajonal të ueb aplikacionit X-stock, si dhe u bë trajnim për shoqatat kombëtare që u bashkuan për përdorimin e tij. Koordinatorët e menaxhimit të fatkeqësive prezantuan aktivitetet e realizuara për vitin 2024, duke u ndalur në aspektet pozitive dhe negative të projekteve të realizuara. Përfaqësuesi i KKRMV prezantoi përvojën e përballjes me zjarret në Maqedoninë e Veriut, me theks në bashkëpunimin me institucionet qeveritare dhe Federatën ndërkombëtare.

Koordinatori i menaxhimit të fatkeqësive nga Federata ndërkombëtare e Kryqit të Kuq dhe Gjysmëhënës së Kuqe prezantoi planet për vitin 2025. Ai theksoi se Federata Ndërkombëtare ka siguruar rezerva mallrash në pako higjienike, të cilat ndodhen në depon e Kryqit të Kuq të Kroacisë dhe Kryqit të Kuq të Serbisë dhe janë në dispozicion të shoqatave kombëtare të Kryqit të Kuq në rajon, përmes aplikacioni X-stock.