Rreth 10 milionë denarë janë mbledhur për viktimat e tërmetit në Turqi

Më 8.02.2023, Kryqi i Kuq i RMV mbajti një konferencë për shtyp lidhur me tërmetin katastrofik në Turqi. Konferencën për shtyp e hapën Sekretari i përgjithshëm i Kryqit të Kuq të RMV, d-r Sait Saiti dhe ambasadori i Republikës së Turqisë në Shkup, z. Hasan Mehmet Sekizqok.

Sekretari i përgjithshëm i Kryqit të Kuq të RMV, d-r Sait Saiti, me kënaqësi të veçantë theksoi, se qytetarët e Republikës së Maqedonisë së Veriut edhe këtë herë treguan solidaritetin e tyre me vepra. Nga linjat telefonike të donatorëve deri më datën 07.02.2023 janë mbledhur gjithsej 3.363.800 denarë, ndërsa në Fondin e Solidaritetit të Kryqit të Kuq të RMV janë paguar gjithsej 6.467.192 denarë. Gjithsej janë mbledhur  9.830.992 denarë. Gjithashtu, Kryqi i Kuq i RMV ndau 1000 pako familjare me ushqim,  1500 pako higjienike dhe 4000 batanije nga mallrat rezervë të tij.

Ambasadori i Republikës së Turqisë në Shkup, z. Hasan Mehmet Sekizqok, shprehu mirënjohje të thellë për të gjithë qytetarët e RMV për humanizmin dhe solidaritetin  që tregojnë.

Në koordinim me Ambasadën e Republikës së Turqisë në RMV, është rënë dakord që në periudhën e ardhshme aktivitetet të jenë të drejtuara në grumbullimin e ndihmave humanitare në mjete financiare. Ne mbështesim përpjekjet dhe aktivitetet që kanë të bëjnë me dhurimin e ndihmës materiale nga firmat dhe kompanitë. Donacionet më të vogla dhe iniciativat e qytetarëve është mirë  të drejtohen në grumbullimin e burimeve financiare, e jo në të mira materiale, sepse kufizimet doganore nuk lejojnë dërgimin e ndihmave të tilla humanitare.

Me qëllim që të jemi më efikas, më të drejtpërdrejtë dhe më të shpejtë në ndihmë, ne parapëlqejmë që të gjitha aktivitetet t’i koordinojmë së bashku dhe t’i drejtojmë në drejtim të motivimit të qytetarëve dhe popullatës për të dhuruar para. Paratë e mbledhura pas përfundimit të fushatës do t’i transferohen Gjysmëhënës së Kuqe Turke, të cilët dinë të mbulojnë nevojat humanitare të qytetarëve të tyre në mënyrën më të mirë të mundshme.