Црвен крст на Република Македонија додели „Златен медал“ и „Златен поддржувач“

На 5-ти декември 2012 година Црвен крст на Република Македонија на ЕВН Македонија АД и Комерцијалана Банка АД им додели признанија „Златен медал“ и „Златен поддржувач“ во знак на благодарност на двете компании за нивната исклучителна соработка и поддршка во остварувањето на хуманитарните цели и задачи на Црвениот крст на РМ, како компании кои го практикуваат општественото одговорно работење како составен дел од вкупната деловна политика на компаниите.

Изразуваме голема благодарност на г-дин Хенгст Вернер, претседател на Управниот одбор на ЕВН Македонија и г-дин Хари Костов, главен извршен директор и претседател на Управниот одбор на Комерцијална банка АД Скопје,  кои со нивниот сопствен придонес во остварување на хуманитарни цели ја потврдија личната социјална одговорност во рамки на општествената одговорност на компаниите.

На настанот беа присутни претседателот на Црвениот крст на РМ г-дин Милчо Трајков, Генералниот секретар на Црвен крст на РМ г-дин Саит Саити, г-дин Ваљон Сарачини – Министер за Економија на Р. Македонија, г-дин Dr. Thomas Michael Baier – Амбасадор на Република Австрија и добитниците на наградите Verner Hengst и Маја Стрвкова Штериева.