ГО ПРОШИРУВАМЕ НАШИОТ ТИМ!

Доколку  сте креативна и мотивирана личност и сакате да работите во пријатна атмосфера со можност за напредок во кариерата, продолжете да читате.

Искористете ги можностите кои Ви ги нудиме и станете дел од нашиот успешен тим.

Црвен крст на Република Северна Македонија е хуманитарна организација која работи на спречување и ублажување на човековото страдање, заштита на животот и здравјето, унапредување на социјалната состојба, обезбедувајќи почит и достоинство за човековото битие, а особено во случај на несреќи и катастрофи,  го промовира меѓународното хуманитарно право и хуманите вредности, поттикнува доброволно ангажирање и постојана подготвеност за давање помош, како и универзално чувство за солидарност и хуманост.

Централната канцеларија на Црвен крст на Република Северна Македонија, објавува оглас за работното место:

ГРАФИЧКИ ДИЗАЈНЕР

Локација: Црвен крст на Република Северна Македонија

Адреса:    Булевар Кочо Рацин број 13, Скопје 

Потребни квалификации:

• Ќе се смета за предност работно искуство и завршено соодветно образование од областа на графичкиот дизајн
• Дигитални вештини: познавање на работа на  програмите Аdоbe Photoshop, Adobe Illustrator, Adobe InDesign
• Познавање на англиски јазик

Способности и вештини

• Иновативност и креативност
• Активно познавање на трендовите во областа на дизајнот
• Посветеност на работата
• Комуникативна и позитивна личност
• Тимски работник
• Способност за добро менаџирање со време и рокови
• Чувство за мултикултурализам и недискриминација

Работни должности:

• Подготвува идејни решенија, дизајн и графичко уредување за промотивен материјал и сите видови на документи кои се во функција на дејноста на Црвениот крст;
• Врши компјутерска обработка и дизајнирање на информативно – пропаганден материјал;
• Работи на изработка на идејни решенија за социјалните медиуми и веб страница;
• Нуди креативни решенија за визуелен маркетинг кое вклучува креативно осмислување и графичка и медиумска изведба на разновидни кампањи;
• Работи на унапредување и дизајн на визуелниот изглед на публикациите на Црвениот крст;
• Ги идентификува и ги адаптира најдобрите практики и алатки за визуелизација на податоци, информации, наоди и резултат;
• Дизајн на материјали за печатење и електронска објава;

Инструкции како да аплицирате :

Испратете ваша кратка биографија, мотивациско писмо (зошто да Ве викнеме токму Вас на интервју)  и портфолио на е-маил:

admin.asistent@redcross.org.mk. и asistent@redcross.org.mk

Контактирани ќе бидат само кандидатите избрани за интервју.

Огласот трае 10 ( десет) дена од денот на објавувањето.

Ве очекуваме.

Со добиените податоци ќе се постапува согласно Законот за заштита на личните податоци.