Oдржана работилница за безбеднсост и сигурност на волонтери

Во периодот 12-13.12.2024 година во хотел Солферино во Струга, 33 претставници на стручната служба на Централната канцеларија на Црвен крст на РСМ и Општинските организации на Црвен крст одржаа работилница за безбедност на волонтери во рамките на активностите од Итниот апел за Украина поддржан од Меѓународната Федерација на друштвата на Црвен крст и Црвена полумесечина.

Низ пленарни дискусии, работа во групи и индивидуални излагања на стручни соработници детално се разработуваа темите: Важност за одржување на безбедност и сигурност на волонтери во Црвениот крст на РСМ, Типови на ризици по безбедност на волонтери, Правни предизвици и препораки во областа на безбедноста и сигурноста на волонтерите, Анализа на ситуации со нарушена безбедност на волонтери и одговор, Безбедноста на волонтерите и употребата на социјалните медиуми, Претставување на политики, механизам за одговор и обрасци за документирање на случаеви за нарушена безбедност на волонтери, и насоки за промовирање на политики за безбедност во ООЦК/ЦКГС.

Во текот на вториот ден се работеше на темата: Заштита на интегритетот на националното друштво. Акцентот беше ставен на освежување на знаењата за политиките за превенција на сексуална експлоатација и злоупотреба, сексуално вознемирување на работно место, заштита на деца и заштита на укажувачи. Посебно внимание се посвети на промовирање на Систем за пријавување на сексуално вознемирување, сексуална експлоатација и злоупотреба преку онлајн платформата на МФЦК и меил адресата integritet@redcross.org.mk