Одржана Тркалезна маса – Служба за Барање / Воспоставување на семејни врски

Црвениот крст на Република Северна Македонија на 11 декември, 2024 година беше домаќин на Тркалезната маса посветена на Воспоставување на семејни врски. Учество земаа претставници на Министерството за внатрешни работи; Министерството за надворешни работи; Министерството за социјална политика, демографија и млади; Центарот за социјална работа; Центарот за управување со кризи; Меѓународниот Комитет на Црвен крст; Црвениот крст на Србија; Црвениот крст на Хрватска (online вклучување); УНХЦР; Здружението на млади правници; Језуитската Служба за бегалци; Црвениот крст на град Скопје и Општинските организации на Црвен крст Гевгелија и Куманово.

Целта на овој настан, помогнат од страна на Меѓународниот Комитет на Црвен крст, беше зголемување на видливоста на Службата помеѓу нејзините надворешни и внатрешни партнери, поточно државните институции и локалните и меѓународните организации присутни во државата.

На тркалезната маса се говореше и за улогата на Службата за Барање / Воспоставување на семејни врски на глобално ниво и во Република Северна Македонија, алатките кои таа ги користи во своето работење и нејзината правна рамка. Исто така се даде акцент и на Мигрантската криза од 2015 година, предизвиците кои прозлегоа од неа и начинот на кој Службата за Барање / Воспоставување на семејни врски при Црвениот крст на Република Северна Македонија се справи со истите.