Посета на Црвениот крст на РСМ од страна на Амбасадорот на Република Туркије

Денес во посета на Црвениот крст на РСМ,  Амбасадорот на Република Туркије НЕ  Фатих Улусој  беше примен од страна на Генералниот секретар на Црвениот крст на РСМ д-р Саит Саити. Амбасадорот го посети  „Копче“   проект на Црвениот крст во Скопје кој овозможува поефикасен систем на дистрибуција на облека до лицата во ризик, лесен пристап до облека со ниски цени за сите граѓани со цел да го зачува достоинството на оние кои имаат ниски примања, вработување на ранливи целни групи и придонес во зачувување на животната средина.

При посетата Амбасадорот беше информиран за хуманитарната помош во облека, обувки и посетлнина која Црвениот крст на РСМ ја прими од  Турската Црвена Полумесечина во знак на благодарност на турскиот народ како солидарен чин за помошта од нашите граѓани, организации и компании  која Црвениот крст на РСМ ја донираше за настраданото населние од земјотресот во Туркије. Донацијата во вкупна вредност од 143.000 долари  ќе  биде дистрибуирана преку Црвениот крст на град Скопје и општинските организации во земјата на ранливи целни групи население.

Генералниот секретар се заблагодари на Амбасадорот за досегашната соработка и меѓународна поддршка во разрешување на хуманитарни предизвици, како и за  примената донација  преку Црвената Полумесечина, која е од исклучително значење за нашата организација да се помогне на многу ранливи граѓани кои имаат таков вид на потреба.