НАДЕЖ ЗА СЕКОГО

На 31.10.2016- тимот за Воспоставување на семејни врски при ПТЦ ,,Винојуг,, Гевгелија, испрати уште едно семејство кон својата последна дестинација, Германија. Семејство кое по 7 месечно непрекинато борење, надеж, по многу подеми и падежи, успеа да ја оствари својата цел, со поддршка од страна на тимот за Воспоставување на семејни врски како и мобилниот тим при Црвениот крст на Р.Македонија.

Малата убавица, која се роди во нашиот камп, донесе радост и светлина како за нејзиното семејство така и за сите нас. Палавото братче, повторно прозборе по големите прежиевеани трауми кои го одбележаа неговото детство. Но, овој пат искрено се надеваме дека конечно ќе го пронајдат својот мир и ќе им овозможат едно прекрасно детство.

Тимот за Воспоставување на семејни врски при ПТЦ ,,Винојуг,, Гевгелија, неуморно продолжува со својата работа, трудејќи се да ги исполни соништата на лицата и фамилиите кои се одделиле од своите најмили и најблиски со цел да избегаат и најдат мир далеку од секојдневните сурови немири.
За се ова да биде така успешно завршено од исклучителна важност беше неуморната поддршка и работа од страна на нашите преведувачи како дел од мобилните тимови при Црвениот крст на Р.Македонија.