Одбележување на Недела на млади на ЦКРСМ за 2024 година

Хуманоста е мост кој спојува луѓе, идеи и можности. Во овој момент, секој од нас има важна улога – некој ќе учествува во хуманитарни активности, некој ќе го поддржи својот другар, а некој ќе се приклучи само за да биде дел од нашето делување. Но, еден факт е јасен: хуманоста нè обединува во оваа важна недела која ни претстои!

Од 1 до 7 октомври, традиционално ја одбележуваме Неделата на младите на ЦКРСМ под слоганот „Иницирај дела, инспирирај промени – Inico vepra, inspiro ndruyshime“.

Целта на Неделата е промоција на активната улога на младите волонтери на Црвен Крст, кои придонесуваат за ширење на хуманите вредности и позитивни промени во заедницата. Оваа година, ќе реализираме активности за зајакнување и вмрежување на волонтерите, како и како и ќе организираме завршни промотивни настани во 33 градови низ државата.

Преку користење на дигитални алатки и вклучување во живо, младите на Црвен Крст ќе испратат силна порака до своите врсници за важноста на хуманите вредности во одговор на современите предизвици. На настаните ќе се споделуваат инспиративни приказни на волонтерите, кои ќе претставуваат можност за поддршка и идна соработка со релевантни институции и организации.

Што можеме да очекуваме?

Динамични работилници и интерактивни сесии меѓу волонтерите во клубовите на млади

Вмрежување со млади активисти

Промотивни настани и панел дискусии

Придружете ни се во одбележувањето на Неделата! Вашето учество е клучно за создавање на позитивни промени во нашата заедница.

Младите на Црвен Крст – Движечка сила на организацијата!