Одржан состанок на Совет на делегати на Движењето на ЦК и ЦП

Во периодот 27-28 октомври во Женева се одржа состанок на Совет на делегати на Движењето на ЦК и ЦП. Претставници од националните друштва, МФЦК и МКЦК усвоија вкупно 9 резолуции во насока на градење на Заштита на Движењето и подобрување на колективната влијание во заштитата на луѓето. Усвоена е нова Стратегија за Миграции на Движењето на Црвен крст и Црвена полумесечина 2024-2030 и продолжен е периодот на имплементација на Стратегијата за воспоставување на семејни врски 2020-2025 до 2030 година. На Советот се дискутираше и за агендата и темите кои ќе се работат на претстојната 34-та Меѓународна конференција каде ќе се упати повик до Државите за почит и поддршка на принципиелна хуманитарна акција.