Посета на делегација на Управа за финансиска полиција

На 22.02.2022 година Црвениот крст на Република Северна Македонија беше посетен од делегација на Управата за финансиска полиција. Делегацијата предводена од директорот Aрафат Муареми беше примена од страна на Генералниот секретар на Црвениот крст на Република Северна Македонија, Саит Саити.

Во разговорите Генералниот секретар Саити ја претстави работата на Црвениот крст на Република Северна Македонија, услугите кои ги обезбедува националното друштво во државата, формите на финансирање и клучните активности на организацијата.

Беше дискутирана можност за конкретна соработка со Управата за финансиска полиција во делот подготвеност и дејствување при катастрофи, крводарителството каде по повод денот на Управата за финансиска полиција ќе се организира крводарителска акција.

Во знак на благодарност за поддршка во остварување на хуманитарните цели и задачи, Црвениот крст на Република Северна Македонија му додели плакета на директорот Aрафат Муареми и Благодарница на Управата за финансиска полиција.