Посета на делегација од Меѓународната федерација на Црвен крст и Црвена полумесечина во Црвен крст на РМ

Делегација од Меѓународната федерација на Црвен крст и Црвена полумесечина во состав од: г-дин Сајмон Мисири, регионален директор на Меѓународната федерација на Црвен крст и Црвена полумесечина за Европа, и Мете Петерсон, раководителот на регионалниот кластер се во тридневна посета на Република Македонија во период од 30ти Август до 1ви Септември 2017 година.

За време на престојот остварени се средби во централната канцеларија на Црвениот крст на РМ со Генералниот секретар на Црвен крст на РМ, д-р Саит Саити и стручната служба на Црвениот крст на РМ, во Црвениот крст во општинската организација во Охрид со претседателот на Црвениот крст во Охрид г-дин Сашо Точков, во Министерство за внатрешни работи со министерот г-дин Оливер Спасовски и во Црвениот крст на град Скопје со секретарот на Црвениот крст на град Скопје, г-ѓа Сузана Тунева Пауновска. Делегацијата, заедно со генералниот секретар на Црвениот крст на РМ, д-р Саит Саити го посетија Дневниот центар за дарување на крв “Даре Џамбаз“, Дневниот центар за стари лица, пунктот за бездомници и логистичкиот центар на Црвениот крст на РМ.

За време на посетата во централната канцеларија на Црвениот крст на РМ, на 1ви Септември 2017 година, беше дискутирано за целокупоното функционирање на Националното друштво како и за функционирањето на соодветните програми во областите на здравствено превентивната дејност, социјално хуманитарната дејност, подготвеноста и дејствувањето при катастрофи, менаџментот со волонтери и меѓународната соработка на Националното друштво.