Потпишан меморандум со Државен завод за ревизија

На 30.09.2024 година во просториите на Државниот завод за ревизија, Генералниот секретар на Црвен крст на Република Северна Македонија, д-р Саит Саити и Главниот државен ревизор, м-р Максим Ацевски потпишаа меморандум за соработка со желба да се воспостави соработка за остварување на взаемните цели и реализација на заеднички активности насочени кон поддршка на ранливите категории на население и промоција на хуманитарните принципи.

Договорните страни, водени од желбата за воспоставување на партнерство, се согласија да работат заедно во областа на крводарителството, првата помош и психосоцијалната поддршка, како и во организација на јавни настани кои ќе придонесат за доброто на заедницата.