Потпишан меморандум со Црвен крст на Албанија

На 21.06.2024 година во просториите на Црвениот крст на Албанија во Тирана, Претседателот на Црвениот крст на РСМ проф.д-р Ромел Велев и Претседателот на Црвениот крст на Албанија г-дин Ylli Alushi потпишаа меморандум за соработка со цел да се регулираат взаемните односи за соработка и партнерски односи. Организациите се заложија за стратешко партнерство во своите напори за зајакнување на институционалните капацитети на двете национални друштва со цел да се обезбеди подобра поддршка за најранливото население.

За време на настанот се одржа и средба на Генералниот секретар на Црвениот крст на Република Северна Македонија д-р Саит Саити и Генералниот секретар на Црвениот крст на Албанија г-дин Artur Katuci кои ги договорија активностите.