ПОЖАРИ НА ОТВОРЕН ПРОСТОР

Црвениот крст на Република Северна Македонија е активно вклучен во операцијата со справувањето со пожарите во државата и преку своите мобилните тимови на Црвениот крст на РСМ и понатаму активно е вклучен во логистичка поддршка на екипите, институциите и граѓаните ангажирани за гаснење на пожарот.

При теренските активности беа дистрибуирани вкупно 10 тона вода за силите кои гасат во зафатените региони со пожари а се поделија 20.000 флаери за заштита од шумски пожари како и промоција на социјалните мрежи.

Поставени се танкови –  системи за полнење на хеликоптери со вода кој го скратува времето за гасење пожар со вкупен капацитет од 25.000 литри со постојано надополнување, опслужувани од тимови од Црвен крст на РСМ и тимови од локалните самоуправи во соодветните региони.

Направени се проценки на терен со дрон во реонот на планина Серта-штипско. Набавена стокови резерви и ставени на располагање (вода, храна). По барање на  АРСМ-Винг, од страна на ЦКРСМ обезбедено е теренско возило со возач, за транспорт на навигаторите на хеликоптерите и авионите кои гасат пожари, локација територија на општина Битола, Росоман, Чашка.

При теренските активности вклучени се 150 волонтери и вработени.

Психолошка поддршка: Црвениот крст на РСМ отвори СОС телефонски линии за психолошка прва помош за настраданото население од пожарите. ППП се обезбедува од оспособени волонтери на Црвениот крст. Секое заинтересирано лице погодено од пожарите може да поставува прашања и да добива одговори и совети за справување со ситуацијата што ја загрозува благосостојбата на граѓаните. Отворените телефонски линии се поделени на региони и општини.

Отворени телефонски линии за прва психолошка помош:

• Скопски регион (Центар за ментално здравје и психо-социјална поддршка) 072/271-048
• Пелагониски регион – (Битола, Демир Хисар, Крушево, Прилеп, Ресен) 047 / 236-019
• Југозападен и полошки регион – (Гостивар, Тетово, Дебар, Кичево, Струга, Охрид) 072 / 239-051 и 072 / 239-077
• Источен, североисточен и југоисточен регион (Штип, Кочани, Берово, Виница, Делчево, Пробиштип, Кратово, Куманово, Крива Паланка, Струмица, Гевгелија, Валандово, Радовиш) 071/223-691
• Вардарски регион (Велес, Неготино, Свети Николе, Градско, Чашка, Кавадарци, Лозово, Росоман, Демир Капија) 043/231537