РЕГИОНАЛНИ НАТПРЕВАРИ ПО ПРВА ПОМОШ ВО ЈУГОИСТОЧЕН РЕГИОН И ЗА СЕВЕРОЗАПАДЕН РЕГИОН

Црвениот крст на РСМ дава посебен придонес во промовирање на првата помош во образовните институции каде уште од најмлада возраст ги учиме и ги надградуваме компетенциите на младите како правилно да укажуваат прва помош.

Црвениот крст на РСМ на 11 до 12 мај 2024 година одржи два регионални натпревари по прва помош за ученици од основните и средни училишта од југоисточниот и северозападниот регион на Северна Македонија. Тема на натпреварите беше „Повреди при спортски и рекреативни активности“, каде вкупно 29 екипи имаа можност да ги покажат своите знаења.

На 11.05.2024 година регионалниот натпревар по прва помош во југоисточен  регион каде домаќин беше  Општинска организација на Црвен крст Радовиш се одржа на Плоштадот Св. Спасо Радовишки со учество на 15 екипи од 15 ООЦК од југоисточниот регион на државата.

Поздравни обраќања имаа Генералниот секретар на ЦКРСМ д-р Саит Саити и Градоначалникот на Општина Радовиш г-дин Ацо Ристов. Најдобри 5 екипи кои ќе учествуваат на државен натпревар од овој регион беа екипите од ООЦК Велес, Радовиш, Кочани, Струмица и Делчево.

На 12.05.2024 година регионалниот натпревар по прва помош во северозападен регион  каде домаќин беше Општинска организација на Црвен крст Гази Баба се одржа на платото на главниот влез на Ист Гејт Мол – Скопје, со учество на 14 екипи од 14 ООЦК од северозападниот регион на државата

Поздравни обраќања имаа Претседателот на ЦКРСМ, Проф. д-р Ромел Велев и Градоначалникот на Општина Гази Баба, г. Бобан Стефковски. Од овој регион 5-те екипи кои покажаа најдобар резултат и ќе учествуваат на државен натпревар се  екипите од ООЦК Охрид, Гази Баба, Битола, Чаир и Куманово.